Fyrirmyndarunglingar.

Kom mér á óvart siðprýði unglinga í gær. Var að vinna á balli í gærkvöldi og það var voða lítið um náin samskipti á dansgólfinu. Fyrir utan það hversu nánir strákar vilja vera við hvorn annan og sýna það í hörðu lögunum með því að hoppa af áfergju á hvorn annan. Sem er glettilega skemmtilegt á að horfa. Og stöðva. Því þegar starfsmaðurinn sem allir bera virðingu fyrir er kominn inn í miðjuna þá virðist sem þeir hugsi sig tvisvar um áður en þeir þrykkja sér á mann.

En það kom mér samt á óvart hversu stilltir krakkar eru þegar kemur að sveittum hormónaböllum eins og þessum. Ég man þegar ég var í unglingadeild, og fór einmitt á þetta sama ball. Þá var ég, eins og ég sagði við vinnufélaga minn þegar ég var að minnast á þetta sama, í hörkusleik á miðju dansgólfinu. Þarna!, sagði ég og benti á auðan reit á dansgólfinu, út við glugga, þar sem engin var í sleik.

Ég veit ekki hvort að krakkar séu bara betur upp aldir, siðprúðari með öllu, hormónaminni eða hvað. Kannski eru strákarnir bara svona miklir aumingjar að þora ekki að reyna við stelpurnar. Eða hvort stelpurnar séu bara ALLAR búnar að finna sér eldri gaura sem sækja þær í lok ballsins. Sem gerðist reyndar ekki, miðað við stelpufjöldann í heimleiðar-rútunni. Eða kannski er alveg jafn mikið af þessu í gangi ennþá og ég tók bara ekki nógu vel eftir því.

Hvað veit ég, ég var aldrei út á dansgólfinu nema til að stoppa slagsmál. Og það er lítið um sleik í slagsmálum

0 Responses to “Fyrirmyndarunglingar.”



  1. Færðu inn athugasemd

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s





%d bloggers like this: