Nútíma Darwinismi

Ég var að muna eftir samtali sem ég átti við félaga minn um daginn. Hann var orðinn pirraður á allri meðalmennskunni sem umlykur okkar samfélag. Allt fólkið sem lætur sér einungis nægja að finna sér sína miðjuhillu og dúsa þar, aldrei reynandi að stíga skrefinu lengra og krefjast einhvers betra. Það vantaði fólk sem væri einfaldlega betra en aðrir. Stéttaskipting á Íslandi væri ekki til, og þ.a.l. reyndi engin að klóra sér leið upp á yfirborð meðalmennskunnar, þar sem fólkið gæti haft það betra.

Í gamla daga höfðum við Aðalinn. Það ýmist kóngafólk eða annað hástéttarfólk sem hafði það einfaldlega betra en miðju og lág-stéttin, og var oft á tíðum álitið vetra einfaldlega betra fólk. Hafði tækifæri á betri hlutum og var í hnotskurn farsælla. Reyndar má í nútíma samfélagi setja spurningamerki við af hverju ókosið kóngafólk er enn álitið vera betra en afgangur þjóðfélagsins. Í Kína voru fræðimennirnir efstir því hugsanir þeirra leiddu oft á tíðum til viturra lagsetninga. Undir þeim voru bændur sem framleiddu nauðsynjar svo og þeir sem framleiddu nauðsynlega hluti. Kaupmenn voru settir neðst því þeir settu ekki beint neitt af mörkum því þeir framleiddu ekki neitt. Og enn neðar voru hermennirnir, sem dúsuðu í seinasta sæti vegna þeirrar eyðileggingar sem þeir ollu. (http://en.wikipedia.org/wiki/Social_class)

Því má vel velta fyrir sér hvort það sé ekki sorglegur hlutur, fráfall greinilegrar stéttaskiptingar. Þá geturðu gert þér grein fyrir þínum stað í samfélaginu og set atburðarás í gang til að breyta honum. Kínverskir kaupmenn keyptu sér land til þess að gerast bændur til þess eins að hækka sig í tign í samfélaginu og fólk á Viktoríutímabili Bretlands keypti, klæddi og hegðaði sér upp stéttaskiptingarstigann. Nú til dags er fólk oft á tíðum staðnað. Það reynir ekki einu sinni að breyta hvar það er statt. Það hefur engan hvata til þess að orsaka breytingar í lífi sínu. Það er að drukkna í meðalmennsku og er sátt með það. Það hugsar, það er engin betri en ég, ég er alinn upp með þá hugmynd og hví ætti ég þá að breyta hvernig ég lifi mínu lífi.

Annar góðvinur minn sagði mér eitt sinn að vegna þess að allir eru látnir komast upp með allt, þá verður engin þróun á vitkun mannkynsins. Hann sagði það reyndar ekki alveg svona en þetta er það sem ég kýs að túlka af hans orðum. Vegna þess að allt heimska fólkið og vitleysingarnir fá að komast upp með allt, komast af og fá að taka þátt í hlutum einfaldlega vegna þess að samfélagið verndar það með einum eða öðrum hætti þá verður engin þróun í vitsmunalegum Darwinisma. Mannkynið tekur alltaf eitt lítið skref aftur á bak með hverjum tveimur skrefum áfram vegna byrði þeirra sem minna mega sín. Þetta er fólkið sem vælir og kennir einni hlið samfélagsins um rangfarir þeirra á meðan það skýlir sér á bakvið og tottar túttur þeirra hliðar sem verndar það. Hræsnararnir, meðalmennskurugludallarnir og aumingjarnir. Sem eru fyrstir til að benda á einhvern annan þegar kemur að því að kenna einhverjum um eitthvað sem er því sjálfu að kenna. Þeir væla yfir velgengni annara í staðinn fyrir að opna augun og reyna að sjá tækifærin í kringum sig. Þetta fólk leggst niður og grætur þegar lítið mótlæti verður á vegi þeirra. Í staðinn fyrir að herða sig upp og reyna aftur þá ásakar þetta fólk slembivalda hluti eða einstaklinga sem ástæður fyrir ósigri sínum.

Að sjálfsögðu er til fólk sem rís hærra og tekur sig til og breytir sinni stöðu í lífinu. Það leyfir ekki lífinu að hrekja sig til og frá stefnulaust. Það tekur af skarið og stjórnar sinni stéttaskiptingu og sínum örlögum. En þetta fólk er af skornum skammti og langt á milli þeirra. Þess vegna vantar nútímalegan Darwinism. Þ.e. að þeir óhæfu fái einfaldlega ekki fleiri tækifæri til að fokka hlutunum alltaf upp hvað eftir annað. Þeir hæfustu sanna sig og fái einfaldlega betra líf heldur en aumingjar meðalmennskunar sem sætta sig við sitt afdrep í lífinu. Kannski er það bara næsta stig stéttaskiptingar. Hinir hæfu og hinir óhæfu. Hinum hæfu er verðlaunað fyrir frábærleika verka sinna á meðan hinir óhæfu liðast áfram í moldarpytt meðalmennskunnar.

Síðan má að sjálfsögðu koma með frekari hugmyndir af þróun þessar Útópíu.

Ég er, eins og ávallt, ykkar Alpha Björgvin

0 Responses to “Nútíma Darwinismi”



  1. Færðu inn athugasemd

Færðu inn athugasemd

Skráðu umbeðnar upplýsingar að neðan eða smelltu á smámynd til að skrá þig inn:

WordPress.com Logo

You are commenting using your WordPress.com account. Log Out / Breyta )

Twitter picture

You are commenting using your Twitter account. Log Out / Breyta )

Facebook photo

You are commenting using your Facebook account. Log Out / Breyta )

Google+ photo

You are commenting using your Google+ account. Log Out / Breyta )

Tengist við %s





%d bloggers like this: