Archive for the 'Alger snilld' Category

Húmor

„Tragedy is when I cut my finger. Comedy is when you fall into an open sewer and die.“

-Mel Brooks

Er engin leið út úr skápnum?

Nú er ég álíka mikill aðdáandi R.Kelly og hinir tónlistaráhugamennirnir í kringum mig. Hann og hans lag hafa aldrei heillað mig mikið gegnum tíðina en það er eitt sem R.Kelly gerir sem er einfaldlega það fyndnasta og skemmtilegasta sem ég hef horft á á netinu. Það er sápu-hip-hóperan hans Trapped in the Closet.

Fyrir löngu gerði hann fyrstu tólf kaflana í sögunni um Sylvester og hlutina sem hann lendir í. Nú nýverið kom Kristján Atli fegins hendi með snemmbúna jólagjöf þegar hann auglýsti að næstu 10 kaflar væru komnir á Youtube. Nú ráðlegg ég öllum sem finnst gott að liggja upp í rúmi í skammdeginu og horfa á vídjóspólu að taka frekar tölvuna með sér upp í rúm og kynna sér þessa snilldarþætti. Eða fyrir alla próflestrarhákana þá er alveg ráð að verðlauna góðan klukkutíma af lærdómi með eins og einum kafla af þessari seríu. Þá getið þið motiverast til að læra í klukkutíma í viðbót til þess eins að vita hvað skeður fyrir Sylvester næst. Fyrr en varir má vera að þið séuð búin að eyða öllum deginum í frábæran lærdóm og hafið auk þess uppskorið frábæra nýja reynslu í hip-hoperu-heiminum.

Síðar, þegar þið eruð búin að kynna ykkur þetta þá getið þið skoða þetta hér sem og þetta hér.  Fyrra myndbandið er 11 löng mínútna löng háðsdeila á Trapped in the Closet sem ber það skemmtilega nafn Trapped in the Drive-Thru. Seinna myndbandið er South Park þátturinn Trapped in the Closet þar sem er gert m.a. grín af Vísindakirkjunni og frægum meðlimum hennar sem og hip-hoperunni hans R. Kelly. Snilldaráhorf fyrir þá sem kunna að meta gott grín.

Hvað finnst ykkur um þetta?